عيش معنا تفيد و تستفيد
 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 انفراد : حوار مع فيروس أنفلونزا الطيور !

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شاهيزتا
نائبة المديرة
نائبة المديرة
avatar

انثى
عدد الرسائل : 1703
العمر : 23
العمل/الترفيه : تصميم الازياء
المزاج : مرحه
نقاط : 974
تاريخ التسجيل : 25/08/2008

مُساهمةموضوع: انفراد : حوار مع فيروس أنفلونزا الطيور !   الجمعة 12 يونيو 2009 - 15:26





انفراد : حوار مع فيروس أنفلونزا الطيور !


الفيروس يصرح : جربت أدخل جسم مواطن مصري!

تفاصيل المباحثات المشتركة مع الميكروبات المصرية !

إذا
فتحت أي جريدة أو مجلة أو قناة تلفزيونية أو إذاعية أو أي وسيلة إعلام
مسموعة أو مقروءة , ستجد أن الجميع يتكلم في موضوع واحد هو : أنفلونزا
الطيور.. أتعجب في سري من هذا الاهتمام غير العادي .. هم الطيور دول كانوا
من بقيت أهالينا يعني ؟؟



لسبب
ما أردت أن أكتب عن هذا الموضوع.. و لسبب ما أردت أن يكون الموضوع
مختلفا.. الكل كتب عن أنفلونزا الطيور.. ايه الجديد اللي ممكن اكتبه ؟؟


فكرت
مليا في الموضوع و توصلت للفكرة التي قرأتها أنت للتو في العنوان.. ليه لأ
؟؟ مانستضيف الفيروس نفسه و نعمل معاه حوار.. مش اشتغالة بقى ؟؟ محدش
عملها قبل كده و أهو يبقى انفراد..


لن
أحكي لكم عن مغامراتي المستميته في تحديد موعد مع هذا الفيروس المشغول
جدا.. لكن يكفي أن أقول أنني استطعت أن أصل إليه بطريقة ما و أجريت معه
هذا الحوار الممتع و المتميز جدا..



احنا : اهلا و سهلا يا عم الفيروس


الفيروس: اهلا اهلا ...


احنا : لو سمحت ياريت تعرف اخوانا القراء بنفسك..


الفيروس: اسمي في البطاقة h5 .. و اسمي الفني ( فيروس انفلونزا الطيور)..


احنا : ما هو محل الاقامة ؟


الفيروس: محل الاقامة مش ثابت للأسف.. اصلي غاوي سفر بيني و بينك..


احنا : طيب ما هو محل الميلاد ؟


الفيروس: أنا اتولدت أساسا في جنوب شرق آسيا.. قول في الصين كده..


احنا : كلمنا عن نفسك شوية..


الفيروس: أنا فيروس عادي زي أي فيروس في الساحة الطبية.. بس كل ما هنالك إني وجه جديد و انت عارف بقى و سائل الاعلام بتهتم بكل ما هو جديد..


احنا : إيه الجديد اللي قدمته ؟


الفيروس: يمكن الجديد إني غاوي فراخ و بط و وز..و شهيتي مفتوحة حبتين .. بس كده..


احنا : طيب إيه اللي جابك عندنا يا استاذ h5 ؟


الفيروس: أبدا.. لقيت كل حاجه بتجيلكم من الصين و انتم فرحانين بيها.. فقلت آجي أنا يمكن ترحبوا بيا أنا كمان !


احنا : نرحب بيك ؟ يعني جاي تخرب بيتنا و نرحب بيك ؟؟ تيجي ازاي دي ؟


الفيروس: يا بيه مالبضايع اللي جايالكم من الصين جايه تخرب بيتكم هيا كمان, و فرحانين بيها و طايرين بيها.. اشمعنه انا يعني ؟؟


احنا : مش واخد بالي ..


الفيروس: اسمع يا سيدي.. البضايع الصيني دي مش جاية تضرب الصناعة و الاقتصاد المصري ؟


احنا : بيحصل !


الفيروس : أنا كمان جاي أضرب الفراخ و الاقتصاد المصري.. هيا هيا يعني !!


احنا : دانت فيروس مثقف قوي.. طيب بلاش كلام في السياسة عشان الناس ماتزهقش..


الفيروس: زي ما تحب..


احنا : انت ازاي دخلت الأراضي المصرية ؟


الفيروس : بلاش كلام في النقطة دي لو سمحت.. أنا متسلل صحيح بس مش عايز مشاكل مع الداخلية الله يخليك..


احنا : يعني دخلت ازاي ؟


الفيروس: دخلت مع بطة مهاجرة وصلتني في طريقها .. أوتو ستوب يعني !


احنا : و ناوي تعمل ايه في مصر ؟


الفيروس : أبدا.. أنا باتكاثر على البط و الوز و الفراخ و الطيور الظريفة دي..


احنا : طيب مش ناوي تنتقل للبني ادمين ؟


الفيروس : لا طبعا ..


احنا : ليه ؟


الفيروس:
شوف يا بيه .. احنا الفيروسات غاويين أذية صحيح , لكن مابنحبش نقطّع على
بعض .. كلام في سرك كده .. أنا جربت أدخل جسم مواطن مصري.. لقيت لما دخلت
لقيت زملاء كتير قوي .. (التهاب كبدي و بائي) على (بلهارسيا) على (التهاب
سحائي) على (سرطان) على (سالمونيللا).. لقيت خلق كتير قوي يا بيه.. لقوني
داخل عليهم قاموا وقفوا.. و خدوني على جنب.. و رنوني حتة علقة مكن ,خلتني
أزرقّ..!! شايف البشلة اللي في وشي دي ؟؟ إهي دي ضربة مطوة من الأخ (فشل
كلوي) !



احنا : و بعدين ؟؟


الفيروس : أبدا.. بعد ما خدت العلقة التمام, قعدنا قعدة عرب.. و اتكلمنا كلام فيروسات من الآخر و اتفقنا على المفيد..


احنا : اتفقتوا على ايه بالضبط ؟


الفيروس:
اتفقنا على إن انا مش من هنا و مش ابن بلد فلازم ألتزم بالأصول ..و ما
قطّعش على الميكروبات المصرية الصميمة.. اتفقنا على قاعدة ( صباح الخير يا
جاري ,انت في حالك و انا في حالي!) يعني بلاش تقطيع على بعض و خليني في
الفراخ و العصافير و ما أهوبش ناحية منطقة الميكروبات التانية.. أصلها
أرزاق يا بيه و غلط ناخد رزق بعض عدم المؤاخذة..و ده اللي أعلنا عنه في
المؤتمر الصحفي بعد المباحثات اللي اجريناها مع بعض في أحد مقالب الزبالة..

احنا : تشرفنا بلقاءك يا سيد h5





.. انتظروو حوار مع الاخ انفلونزا الخنازير
ويمكن بعده يكون فيه حوار مع انفلونزا الحصاان
وبعده انفلونزا النمل والصراصير
وربنا مايقطعلنا عادة ...

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.alhayat.yourme.net
صوفيا
عضو جامد موت
عضو جامد موت
avatar

انثى
عدد الرسائل : 243
العمر : 25
العمل/الترفيه : الرسم
نقاط : 288
تاريخ التسجيل : 16/03/2009

مُساهمةموضوع: رد: انفراد : حوار مع فيروس أنفلونزا الطيور !   الجمعة 12 يونيو 2009 - 15:30

هههههههههههههههههههههههههههههههههههههههههههههههه هههههههههههههههههههههههههههههههههههههه

lol!

مستنيين باقي الضيوف ههههههههههه

شكرا شاهي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.alhayat.yourme.net
 
انفراد : حوار مع فيروس أنفلونزا الطيور !
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحياة اليوم :: الحياة للتسلية و المسابقات :: نكت و الغاز-
انتقل الى: